Hendorsche
    (15 / 15)

Literaturmuseum der Moderne

Kennziffor: 40

Mid dem ganz neia Museum soll onser Marbach no wichdiger werda ond no meh Leid a`zieaga. Der neuklassizischdische Bau, faschd wiea Tempel, schdoahd als interessander Gegapol näba dem neubarogga alda Museum. Scho außa schee zom A`gugga, liegad enna richdige Schätz, diea en Ausschdellunga de Besuacher zeigd werded. Do kosch diea Handschrifda vom Schdebbawolf, den dor Hermann Hesse aus Calw gschrieba hod, neberam Prozess vom Kafka ond em Döblins Alexanderplatz seha. Vom Kästner isch diea Handschrifd von Emil ond diea Dedektive do ond dorzua viele seltsame Ieberbleibsel von dene Dichder ond Denker ausem 20. ond 21. Johrhonderd. Viele von dene wared vor de Nazis uff dor Fluchd, grad wiea onser Schiller vorrem Herzog Carl-Eugen.