Hendorsche Firre
    (14 / 15)

Schiller-Nationalmuseum

Kennziffor: 39

Marbach, dui Kloischtadt ieberm Nägg`r, hod scho 1903 des Schillermuseum uff dor Schillerhöh eröffned, nadierlich damid onser Friedrich Schiller, der jo bei ons gebora isch, niea ned en Vorgessaheid geräd. Ond weil mir scho a Sammlung mid Handschrifda ond andere Dokumend von älle schwäbische Dichder dord ghed hend, hod mor des 1955 gegründede Deutsche Literaturarchiv au do no doa. Zerschd hod mor älles was 1933 bis 1945 ofd wegam Hitler ond au gega den, meischd em Ausland gschrieba worda isch, dord gsammeld.

Heid liegad do Handschrifda ond anders von Schrifdschdeller aus der Uffklärung bis zur Gegaward. 1972 isch älles z`eng worra ond mor hod genau dornäba a neis Haus baud. Seid

stohd au des Literaturmuseum der Moderne dornäba. Älles machd onser Marbach en Deidschland, jo sogar en dor ganza Wäld bekannd, weil viele Schbrochforscher en dene Text, Dokumend ond Nochläss  nochlesa dean ond wissaschafdliche Arbeida veöffentlichad. Dorzua werded au viele Ausschdellung gmachd.

Außerdem vorwahrd mor do viele Bilder mid de Köpf von dene berühmde Dichter ond weil mor domols no ned hod fotografiera kenna, send älle so genau gmold, das mor, anders wiea bei dem abschdragda Zeigs, genau seha kann, wiea onsere Dichder ausgseha hen.

Älle diese oimalige Eirichdunga hemmer der deutschen Schillergsellschafd zu vordanka, diea hod 1947 den Schillerverei übernomma ond sich zur Uffgab gmachd, älle Lebenszeignis von unsere Dichder z`sammla ond auszuschdella.