Schillerhöhe
Kennziffor: 38
Scho 1835 hod mor die schenschd Schdell über onserem Neggr en Schillerhöhe umdaufd ond dord hod mor 1876 a Schillerdenkmal aus Kanonametall uffgschdelld, des dor Biberacher Bidhauer Ernst Rau gschaffa hod. Des hod so lang dauerd, weil d`Schduagerder ons des ned gennd hend: Wiea ko so a Kloischdadt, in der der groß Schiller bloß drei Johr als Kend war, Schillerschdadt sei, do wär doch Schduagerd oder Ludwigsburg besser. Mir hend ned nochgäa.
Des Metall schdammd aus erbeudede franzesische Kanona ausem Einigungskrieag 1870/71, übrigens dem ledschda wo mor gwonna hend, ond isch en der schena Schillerfigur viel besser uffghoba. Jetzed kos nix meh a`schdella, grad wieas der Schiller gmond hod, mor soll ned mid Gwald a Nation bilda, sondern lieaber freie Menscha herziega.
1903 hod dor Schiller hier en seiner Geburdsschdadt au so a Schoss krieagd, grad so ois wiea seller Firschd , dor Carl Eugen, uff dor Solitude aau baud hod. Isch ehm jo au zugschdanda, denn jeder kennd heid Friedrich Schiller, wer woiß no wer sei Onderdrücker war? En dem „Schillerschloss“ hoch ieberem Negg`r hod mor erschd bloß diea Arbeida von de schwäbische Dichder uffheba wella, doch heid lieged em „ Deutschen Literaturarchiv“ diea Handschrifda ond Nachläss von Schrifdschdelle ond Dichder aus ganz Deitschland. En der Sach isch Marbach heid berühmder wiea Schduagerd.
Was Se sonschd no wissa missad: