Holdergassa

Kennziffor: 10

Wenn en Marbach bisch, muasch au mol durch die scheene Gassa laufa, i moin ned renna. Lass dor no Zeid. Oba en dor broida Markdschdroß hend onsere Großkepfede, onsere Reiche, gwohnd, en de Holdergassa diea arme Handweker, Baura ond Wengerder. Diea hend bis es en om 1880 en de Fabriga a Gschäfd gäa hod , kaum was zom beißa, i moin zom leba, ghed. Ond dorzua kommd no onser schdenger pietischtischer Glauba, deswega hend au diea , diea wo was ghed hend, des ned zeigd ond send au em drischa Grau , also en Sack ond Asche , rommgloffa. Geizig semmer ned aber saumäßig bhäb.

So schee, wiea diea kloine Heiser heid hergrichded send, wared se frieher niea, niea em Läba. Heid schlendered älle Bsuacher gern durch ond bewundered die Fachwerkheiser ond des viele Grea. Was heid romantisch aussiehd, mog domols em Schiller eher a bissle ärmlich vorkomma sei.