(4 / 15)
Goldener Löwe
Kennziffor: 04
Denn Teggschd ahera
MP3 speichra
Siea moined, Gaschdheiser hädded siea au. Schdemmd, aber ned so oins wiea des. Onser Goldener Löwe en der Niklastorschdroß isch a ganz besondere Wirtschafd: En dem Haus isch sell Dorothea Kodweiß gebora worra ond uffgwachsa, weil derra ihr Babe, dor Bäcker Friedrich Kodweiß 1726 des Haus kaufd ond drenn a Wirdschafd uffgmachd hod. Grad siebzeha war des Mädle , hod vielleichd diea Gäschd bediena missa ond hod dorbei 1749 em Schiller sein Vadder, den Johann Kaspar Schiller kennaglernd. Was draus worra isch woiß jeder , weil`s sorschd koin Schillers Fritz gäa hed. Sag i`s ned, dass sell Haus fir ons saumäßig wichdich isch!
Während, wiea mor woiß dor Opa sich a bissle übernomma hod, war sei Vadder a guader, strenger , frommer Mo, äba a richdicher Schwob. Sei Bua, dor Friedrich häb ieber ehn nix komma lassa.
Schillers Mamme, dui Bäckerstochter, war lieab ond bescheida, häb aber au gern erbauliche Gschichda erfonda ond vorzähld. So hod onser Schiller vom Vadder des Schaffige ond au sein Willa, von dor Muader wohl die Fantasie ond diea Idea ghed.