(1 / 15)
Gschichdliche Eidrück
Kennziffor: 00
Denn Teggschd ahera
MP3 speichraDass onser Marbach scho ganz was bsonders isch, des woiß mor scho lang! Des hod ned bloß mid onserem Schiller was z`doa, des hen vorram ond dornoch scho viele beriehmde Leid gschrieba: So dor schwäbische Dichder Gustav Schwab om 1815 rom:
im Neckartal beschauet,
wie sie sich ihre Hügel hat
mit Reben wohl bebauet!“
Des Gedichd hod er domols em Friedrich Schiller gwidmed, weil der große Dichderfirschd en onserem kloina Schädtle gebora isch, ond do semmer schdolz druff. Vielleichd isch`r beim Dichda do gschdanda, wo heid s`Krankahaus isch, do siehsch älles: S`Schdädle, d`Wengerd ond onda onsern Negg`r.
Ond Schiller isch ned onser oinziger Dichder, niea em Läba, mir hen au no onser Ottilie Wildermuth, sui isch en Marbach uffgwachsa , ond hod sich emmer au en d`r Fremde als Marbachere gfiehld. Achtzehahonderdsiebenafuffzig (1857) schreibd se faschd s`gleich, leider au ned en schwäbisch, wenn se diea lieabliche Hoimed überm Neg`r lobd, mid dene greane ,hoimliche Pfäd hoch oba en de schdeile Wengerd , wo mo`r sogar kloine Grodda ond au Quella fenda ko. Sicher war se do hoch oba em Käsberg von Mondelsa, do fendsch des älles.
Mid onserem schwäbischa Fiehrer , dem Schwäbischen Guide, welled mir en onserer Mundard Eich onsere schenschde Plätz ond Gebäude zoiga ond erklära ond dobei a bissle diea Schwäbische Schbroch ond Läbensard hochhalda, denn bald ko älles vorgessa sei ond onsere Enkel schdanded do wiea dor Ox vorrem Berg ond neamerd vorschdohd no äbbes en schwäbisch. Hemmir reachde Schwoba des vordiehnd?
Was Se sonschd no wissa missad: