Aleidong
Ihr Aruaf beim Audiogeid
Wählad Se mit ihrm Hendi dia Nommor 0 71 44 / 30 53 803; no hered Se dia Asaag vom Audiogeid. Midd de Taschda von ihrm Hendi kenned se jetzt dui zwoistelliche Kennziffor von dera gewinschda Sehenswirdichkeid eigebba. Dia gewinschde Informationa werdded direggt em Aschluss abgschbield. Wenn Sia koine oddor a ogildiche Eigaab mached, no fordord dor Audiogeid Sia uff , ihr Eigaab zom Widdorhola. Midd dor *-Taschde kenned Se dor aktuelle Tegschdd widdorhola. Dia #-Taschde beended des Geschbräch vorzeidich.
Ibrigens: Sia brauched dia Asaag vom Audiogeid nedd bis zom Schluss ahorcha; schdaddessa kenned Se berreids während ara Asag dia gewinschde Kennziffor eigebba. So gelanged Se schnellor zu de gewinschde Informationa.
Bsuachor aus am Ausland
Au wenn Se a Mobiltelefo voma auslendischa Netzbetreibor benutzed, kenned Se dor Marbachor Audiogeid nutza. Wähled Se en dem Fall dia Nommer +49 7144 3053803. En onserem Indernedogebod fended Se englische ond franzesische Iborsetzunga. Informationa en andore Schbrocha kriaged Se em Schdadtinfolada (Margdschdroß 25, neborm Rodhaus).
Koschda
Dor Audiogeid Marbach word Ehne vom Schdaddmargeding Schillerschdadd Marbach e.V. zur Vorfigung gschdeldd. Fir dia Nutzung vom Audigeid zahled Se lediglich dia tatsächlich endschdandene Telefokoschda, ibbor dia Se Ihr Mobilfunkabiador informierd. Jede Awahl vom Audiogeid endschbrichd ara Vorbindung zu ama deidscha Feschdnetzoschluss. Dor Schdaddmargedingvorei kann koi Hafdung ibornemma fir falsche Agaba oddor Koschda, wo durch dia Nutzung vom Audiogeid endschdanda sen.