Grüß Godd lieabe Bsuacher,


grüß Godd en Marbach,
middla em Schwobaland!

Ofdmols sennd Se  sicher scho emma Schdäddle gschanda, vor a scheena Kirch, amma Dor  oder sonschd wo ond hädded gern uff d`r Schdell  no meh drieber gwissd, aber wo? Do hemmir a Idee ghed .A Handy hod heid jeder dorbei. Ond onser Audioguide, der machd aus Ihrem Handy en Schdaddführer. Isch des ned gschickd?

Audioguide macht's möglich!

Siea missed bloß di Numm`r wähla:

0 71 44 / 30 53 803

ond Siea wissed bald älles ieber 14 wichdige  Schdella, diea mor en Marbach  oifach a`gugga muaß ond mir erkläred `s Ehne en Schwäbisch. Ond worom en schwäbisch? Sell isch doch sonnaklar, weil schwäbisch d` Mudderschbroch von onserem Friedrich Schiller war.

Etzed wünsched mir  Ehne viel Interesant`s ond viel  Schbass beim Wandra durch onser scheene alde Schdadd,  dor Geburtsstadt ond Hoimed vom Friedrich Schiller. Des wünschd Ehne der Verei „Stadtmarketing Marbach e.V“,  diea hen die Idee ghed, ond i, dor Hanns Oechsle, der älles ens Schwäbische übersetzd hod.